Asiya - Sakit Okean İqtisadi Əməkdaşlığı ölkələri liderlərinin 2017-ci il Noyabrın 11-də Vyetnamda keçirilən sammitində Rusiya prezidenti Vladimir Putin və ABŞ prezidenti Donald Trampın görüşü.
Foto: Jorge Silva / AFP / Getty Images
ABŞ prezidenti Donald Tramp G20 sammitində rusiyalı həmkarı Vladimir Putinlə görüşməyəcəyini açıqlayıb.
Ria novosti yazır ki, Tramp Kerç boğazında baş verənlərlə bağlı ona edilən məruzə ilə tanış olandan sonra bu nəticəyə gəlib.
Hər iki ölkə başçısı sonuncu dəfə Parisdə Birinci Dünya müharibəsinin bitməsinin 100 illiyi ilə bağlı anım mərasimində görüşüb.
Bir neçə gün öncə Reuters Putinin Trampla görüşmək istədiyini yazıb. O, görüşdə ticarət maneələri barədə danışmaq istədiyini bildirib.
Nə baş verib: Noyabrın 25-i Rusiya Azov dənizində, Kerç boğazında Ukraynaya məxsus 3 hərbi gəmini şəxsi heyətlə birlikdə ələ keçirib. Bundan sonra iki ölkə arasında böhran yaranıb. Rəsmi Moskva Ukraynaya məxsus hərbi gəmilərin onun sərhədini pozduğunu açıqlayıb.
