Böyük Britaniyanın baş naziri Tereza Mey G20 sammitində. Foto: Ricardo Mazalán / AP

Bu il Argentinanın paytaxtı Buanes Airesdə keçirilən G20 sammitində İstanbulda Səudiyyə Ərəbistanı konsulluğunda qətlə yetirilən jurnalist Camal Qaşıqçının qətli müzakirə oluna bilər.

The Guardian yazır ki, bu barədə Böyük Britaniyanın baş naziri Tereza Mey danışıb. O, Səudiyyə Ərəbistanı şahzadəsi Məhəmməd ibn Salmanla əsas iki məsələni müzakirə edəcəyini, bunlardan birinin də Qaşıqçının qətli olduğunu deyib.

Baş nazir sammit üçün Buones Airesə getmədən öncə verdiyi müsahibədə deyib:

“Səudiyyə Ərəbistan şahzadəsinə mesajım aydın olacaq. Biz istəyirik ki, qətlə görə kimin məsuliyyət daşıdığı və kimlərin cavabdeh olduğu barədə bütöv və şəffaf istintaq görək. Şahzadə ilə danışacağım digər məsələ də Yəməndəki humanitar vəziyyətlə bağlı dərin narahatlığımızdır. Yəməndəki durumun uzun müddət üçün həlli yolu siyasi vəziyyətdir və biz bütün partiyaları buna diqqət etməyə və bunun üçün çalışmağa təşviq edirik”.

Şərhini yaz

Şərhinizi yazın
Adınızı daxil edin