Ələkbər Məmməd
Dünyanın ən çox istifadə olunan əməliyyat sisteminin istehsalçı şirkəti Microsoft, “Windows 10” sisteminin yenilənmələri ilə bağlı ciddi problemlər yaşayır. Şirkət son bir neçə yenilənmə paketində istifadəçilərdən çoxsaylı şikayətlər alıb və əməliyyat sistemi üçün bir daha yenilənmə təqdim edib.
Oktyabr ayı ərzində istifadəçilərdən gələn şikayətlər əsasən sistemin yenilənmələri və sonradan üzə çıxan bəzi xətalara görə olub. Yeni sistemin görünüşü və funksiyaları isə gözləntiləri doğruldub.
Şirkətin “19H1” kod adı verdiyi son yenilənmə bundan əvvəlki yenilənmələrdə olan bəzi problemləri aradan qaldırsa da, istifadəçilər hələ də ciddi xətalarla üzləşir.
Microsoftun verdiyi məlumata görə, bu, 2019-cu ilin ilk rübündə yayımlanacaq əsas yenilənmə üçün testdir.
Yenilənməni yalnız proqramçılar və bu sahənin mütəxəssisləri “Insider” proqramı ilə yükləyə bilərlər.
