Bastainfo.com saytının baş redaktoru və Müsavat Partiyasının Mətbuat Departamentinin rəhbəri Mustafa Hacıbəyliyə cinayət işi açılıb.
Noyabrın 30-da Bakı şəhər Prokurorluğunda ona qarşı Cinayət Məcəlləsinin 281-2 (Dövlət əleyhinə yönələn açıq çağırışlar), 309-2 (Vəzifə səlahiyyətlərini aşma) və 313-cü (Vəzifə saxtakarlığı) maddələri ilə təqsirləndirlən şəxs qismində ittiham elan edilib. Bu barədə Amerikanın Səsinə Mustafa Hacıbəylinin özü məlumat verib.
“Məni ağır cinayətlərdə ittiham edirlər. Cinayət işi yaxın günlərdə Baş Prokurorluğun Ağır Cinayətlərə dair İşlər üzrə İstintaq İdarəsinə keçirləcək”.
Hcıbəylinin sözlərinə görə, AXCP fəallarının həbsi və Gəncə hadisələri ilə bağlı başqa media orqanlarında dərc edilən məlumatların bastainfo.com saytında yayılmasına görə ittiham olunur.
Sayt rəhbərinə qarşı polis nəzarətinə götürmə qətimkan tədbiri seçilib. Hacıbəyli hər həftədə iki dəfə polisdə qeydiyyatdan keçməlidir.
