Gəncə hadisələrində həbs olunanların işi məhkəməyə göndərilib

2018-ci il iyulun 10-da Gəncə şəhərində baş verənlərlə bağlı həbs edilənlərin istintaqı məhkəməyə göndərilib.

Kimlər nədə ittiham edilir:

  • Cinayət Məcəlləsinin 220.1 (Kütləvi iğtişaş) və 315.2-ci (Hakimiyyət nümayəndəsinə qarşı həyat və sağlamlıq üçün təhlükəli olan zor tətbiq etmə) maddələri ilə; Maarif Hacıyev, Şahlar Rzayev, Ruslan Həsənov, Tural Bayramov, Nizami Əkbərov, Kamal Məhərrəmov, Seymur Əliyev, Toğrul Verdiyev, Orxan Yağnəliyev, Araz Həsənov və Vaqif Əşrəfov.

  • Cinayət Məcəlləsinin 220.1, 228.1 (Qanunsuz olaraq silah, döyüş sursatı, partlayıcı maddələr və qurğular əldə etmə), 234.4.3-cü (Bir qrup şəxs və ya mütəşəkkil dəstə tərəfindən qanunsuz olaraq külli miqdarda narkotik vasitələrin əldə olunması) maddələri ilə; Xəyal Qafarov, 220.1 və 315.2-ci maddələri ilə təqsirləndirilən Kamal Quliyev, Raul Süleymanov, Ülvi Həsənov, Vüqar Allahverdiyev, 220.1, 228.1, 234.4.3 və 315.2-ci maddələri ilə təqsirləndirilən Samir İbrahimov, 220.1, 234.1 və 315.2-ci maddələri ilə təqsirləndirilən Əli Rzayev, 220.1-ci maddəsi ilə təqsirləndirilən Rauf Qurbanzadə, Mireşqin Seyidov, Kamal Məmmədtağıyev və Qadir Hüseynov.

Gəncədə polisin döyüldüyü iddia edilən video

Video Gəncə şəhərində çəkilib. İddialara görə bu gün baş verən hadisələrdə polis əməkdaşı bıçaqlanıb. Saxlanılanlar var.Gəncədə baş verənlərə bağlı foto video varsa bizə göndərə bilərsiniz.

Posted by Mikroskop Media on Tuesday, July 10, 2018

Nə baş verib: 2018-ci il iyulun 3-də Gəncə şəhər İcra Hakimiyyətinin başçısı Elmar Vəliyevə və polis əməkdaşı Qasım Aşbazova qarşı sui-qəsd törədilib. Hadisəni törəkməkdə təqsirli bilinən Yunis Səfərov həbs edilib. İyulun 10-da isə Gəncə şəhərində bir qrup şəxs aksiya keçirməyə cəhd edib. Aksiya zamanı 2 polis əməkdaşı ölüb, 30-a yaxın aksiya iştirakçısı saxlanılıb.

Neçə nəfər öldürülüb: Gəncə hadisələrindən sonra yüksək rütbəli polis zabitlərini qətlə yetirməkdə ittiham olunan və saxlanılarkən hüquq – mühafizə orqanlarının əməkdaşlarının əmrinə tabe olmayaraq silahlı müqavimət göstərən 6 nəfər öldürülüb.

Şərhini yaz

Şərhinizi yazın
Adınızı daxil edin