Bu gün Səbail rayon məhkəməsində Müsavat Partiyasının Gənclər Təşkilatının sədri Əbülfəz Sadıqbəyli barəsində çıxarılan həbs-qətimkan tədbirinin ev dustaqlığı ilə əvəzlənməsi üçün verilən şikayətə baxılıb. Mədinə Bağırovanın sədrliyi ilə keçən prosesdə şikayət təmin edilməyib.
Fəalın vəkili Osman Kazımov jurnalistlərə açıqlamasında deyib ki, Sadıqbəylinin qaçıb gizlənmə ehtimalını düşünərək məhkəmə bu qərara gəlib.
“İstintaqın cinayət hesab etdiyi nəticə aradan qalxıb. Ziyan ödənib. Bütün bunlara baxmayaraq məhkəmə qərarı dəyişmədi. Biz bu qərardan apelyasiya şikayəti verəcəyik”.
Osman Kazımov müstəntiq məhkəmənin qərarını əvvəlcədən bilib.
“Məhkəmə hələ müşavirədəri, müstəntiq deyir ki, 1-ci gün təcridxanaya gedək və istintaq hərəkətlər edək. Bu biabrçı faktdır”.
Nə baş verib: Noyabrın 21-də Müsavat Partiyası Gənclər Təşkilatının sədri Əbülfəz Sadıqbəyli barəsində Səbail Rayon Məhkəməsi 3 aylıq həbs qətimkan tədbiri seçib. Sadıqbəyli CM-nin 178 ( dələduzluq) və 320-ci (saxta sənəd hazırlama və ya ondan istifadə) maddələrilə ittiham olunur.
Fəal ittihamı rədd edir və həbsdini Müsavat Partiyasındakı fəaliyyəti ilə əlaqələndirir
