Hikmət Hacıyev. Foto: Sputnik

Azərbaycan prezidenti İlham Əliyev ötən gün Sankt-Peterbuqrda MDB dövlət başçılarının qeyri-rəsmi zirvə toplantısında Ermənistanın baş naziri Nikol Paşinyanla görüşüb. Trend yazır ki, Prezident Administrasiyası xarici siyasət məsələləri şöbəsinin müdiri Hikmət Hacıyev görüş zamanı atəşkəs rejimi müzakirə edilib.

“Söhbət əsnasında Ermənistan-Azərbaycan münaqişəsinin həlli üzrə fəal danışıqların davam etdirilməsi və atəşkəs rejiminin möhkəmləndirilməsi ətrafında müzakirələr aparılıb”.

H.Hacıyev deyir ki, son dövrlər təmas xətti və dövlət sərhədi boyunca nisbi sakitlik var, bu da münaqişənin həlli üzrə substantiv və intensiv danışıqların aparılması üçün yaxşı fon yaradır.

“Bu əsla münaqişənin dondurulması və ya qəbuledilməz olan status-kvonun saxlanması anlamına gəlməməlidir. Qəti mövqeyimiz ondan ibarətdir ki, işğala əsaslanan status-kvo tezliklə dəyişdirilməlidir”.

İlham Əliyev və Nikol Paşinyan görüşləri zamanı Ermənistan və Azərbaycan arasında saxlanılan şəxslərin qarşılıqlı şəkildə dəyişdirilməsi məsələsini də müzakirə ediblər.

Şərhini yaz

Şərhinizi yazın
Adınızı daxil edin