Mıng Vancou. Foto: Aleksandr Bibik

Çinin texnologiya nəhəngi “Huawei”nin maliyyə direktoru Mıng Vancou bu gün yenidən hakim qarşısına çıxacaq.

NTV Türkiyə yazır ki, direktorun kəfalətlə sərbəst buraxılıb-buraxılmayacağı bu gün məlum olacaq.O, bir neçə beynəlxalq təşkilatı aldatmaqda təqsirli bilinir. Bu ittiham təsdiqini tapsa, Mıng Vancou 30 il müddətinə azadlıqdan məhrumetmə cəzasına məhkum oluna bilər.

ABŞ-ın Ədliyyə Nazirliyi isə onun məhkəmə üçün ABŞ-a təhvil verilməyini istəyir. Vankuver şəhərində yaşayan Çin əsilli kanadalılar isə bunun qatı əleyhinədir. Onlar “Huawei”nin maliyyə direktoruna dəstək üçün yürüş ediblər. Yüzlərlə insanın iştirak etdiyi yürüşün məqsədi Mıng Vancounun Çin vətəndaşı olduğunu xatırlatmaq və onun məhz vətəndaşı olduğu ölkənin qanunları ilə mühakimə edilməsini tələb etməkdir.

Nə baş verib: Maliyyə direktoru ABŞ-ın İrana qoyduğu sanksiyaları pozmaqda ittiham olunur. O, Vaşinqtonun tələbi ilə dekabrın 1-də Kanadanın Vankuver şəhərində həbs edilib.

Şərhini yaz

Şərhinizi yazın
Adınızı daxil edin