Bohemian Rhapsody. Foto: Aleks Bali

“Queen” qrupunun Galileo və Scaramouche haqqında opera keçidləri olan 6 dəqiqəlik mahnısının bəyənilməyəcəyini deyirdilər. “Bohemian Rhapsody” adlanan mahnı bir çox statistikalara əsasən 20-ci əsrin ən çox yadda qalan ifası olub.
“Spotify”, “Apple Music”, “Deezer” və “YouTube”dakı statistikalar nəzər alınaraq bu qənaətə gəlinib.

1975-ci hiti olan mahnının yenidən gündəmə gəlməsinə səbəb “Bohemian Rhapsody” filmi olub. “Universal Music Group”un açıqlamasına görə, film kirayədə 1,6 milyardı keçib.

Sözügedən mahnı Nirvananın məşhur “Smells Like Teen Spirit” və “Guns N’ Roses”ın “Sweet Child O’Mine” mahnılarından belə daha çox “like” toplayıb.
Aktyor Rami Malekin “Queen”in ifaçısı Fredi Merkuri obrazını canlandırdığı “Bohemian Rhapsody” filmi əfsanəvi ingilis rok qrupunun mahnısını yeni nəsillərə tanıdıb. Film dünya rekordu qıraraq, ilk 5 həftədə kirayədən 600 milyon dollar gəlir əldə etdi. Beləliklə də bioqrafiya janrında indiyə kimi ən çox izlənilən film olub.

Rami Malek isə filmdəki performansına görə, ötən həftə “Qızıl Qlobus”a layiq görülüb. Aktyorun 2019-cu ilin yanvar ayında “Oscar”a namizəd olacağı gözlənilir.

Şərhini yaz

Şərhinizi yazın
Adınızı daxil edin