Apple Qualcomm-a aid proqram təminatının mənbələrini Intel ilə paylaşmaqda günahlandırır. İllustrasiya: theroco.com

İki nəhəng texnologiya şirkətinin hüquqi savaşında Qualcomm özünün qalibiyyət seriyasına daha birini əlavə edib.

Simsiz rabitə texnologiyaları istehsalçısı olan Qualcomm Çin məhkəməsinin qərarı ilə ehtiyat tədbir qərarını qazanıb. Bu qərar sayəsində Qualcomm Apple şirkətinin iPhone X və ondan əvvəlki modellərinin (iPhone 6S/Plus, iPhone 7/Plus, iPhone 8/Plus) Çində satışını və istehsalını dayandırmasını tələb edə bilər.

Apple şirkəti qarşı tərəfi bazardakı üstünlükdən istifadə edərək qiyməti süni artırmaqda, Qualcomm isə Apple-ı özünə aid proqram təminatının mənbələrini Intel ilə paylaşmaqda günahlandırır.

Məhkəmə Apple şirkətini “proqram təminatı patentlərini qanunsuz əldə edərək müəllif hüquqlarını pozmaq”da günahlandırıb. Şirkətdən gələn açıqlamada, “Qualcomm-un bizə qarşı məhsullarımızı istehsal edilməsində göstərdiyi bütün hərəkətlər uğursuzluqla nəticələnən addımlarından biridir” deyə bildirilib.

Şərhini yaz

Şərhinizi yazın
Adınızı daxil edin