Türkiyənin Antalya şəhərində bir qrup şəxs xəbər aparıcısı Fatih Portakal haqqında şikayət ərizəsi yazıb.
Sondakika.com yazır ki, “15 iyul Vətən Şəhidləri, Qaziləri və Terrordan zərər çəkənləri Yaşatma və Köməkləşmə Dərnəyi” üzvləri Respublika Prokurorluğuna gələrək aparıcı haqqında yazdıqları şikayət ərizəsini təqdim ediblər.
Dərnəyin rəhbəri Məltəm Kılıç açıqlamasında deyib ki, Fatih Portakal dekabrın 10-da, efir vasitəsilə insanları Fransadakı “sarı jiletli”lər kimi küçələrə çıxmağa, aksiya təşkil etməyə çağırıb.
Fatih Portakalın adıçəkilən çıxışı isə belədir:
“Türkiyədə sülhpərvər aksiya ola bilməz. Gəlin sülhsevər aksiya üçün bahalaşmaya etiraz edək. Görək edə biləcəyik? Neçə nəfər küçəyə çıxar? Qorxudan, döyüləcəyini düşünməkdən, “haqqımı tələb edəcəyəm amma başıma iş gələr?” fikrinə görə neçə nəfər küçəyə çıxacaq, Allah eşqinə?”
