Türkiyədə qatar qəzasında ölənlərin sayı 7-yə çatıb

Türkiyədə sürət qatarı lokomotivlə toqquşub. Hadisə Ankaranın Yeniməhəllə rayonunun Marşandiz dəmiryol stansiyasında baş verib.

Habertürk yazır ki, hadisə nəticəsində ölənlərin sayı 7-yə, yaralıların sayı isə 46-ya çatıb.

Yaralılardan 3-nün vəziyyəti ağırdır. Ölənlərdən biri sürətli sərnişin qatarının maşinistidir.

Ölü sayının artacağı istisna edilmir. Qatarda ümumilikdə 206 sərnişin olub.

Hadisə ilə bağlı Ankara Prokurorluğu cinayət işi başladıb.