Çingiz Əsgərov. Foto: Report

İnsan Hüquqları üzrə Avropa Məhkəməsi yanında Azərbaycanın daimi nümayəndəsi Çingiz Əsgərov Avropa Məhkəməsinin Azərbaycanla bağlı qərarlarının icrasında hər şey qaydasında olduğunu deyib.

Report yazır ki, Ç.Əsgərovun sözlərinə görə, Azərbaycan hökuməti bütün kompensasiyaları ödəyir.

“Kompensasiyaların ödənilməsi üçün hər hansı müddət məhdudiyyəti yoxdur. Lakin Avropa Məhkəməsinin qərarlarında belə bir qayda var ki, əgər kompensasiya 3 ay müddətində ödənilmirsə, həmin məbləğin üzərinə cüzi miqdarda faiz gəlir. Bu da dövlətlər üzərinə həmin kompensasiyanın tez bir zamanda ödənilməsi üçün hüquqi öhdəliklər qoymur” – Ç.Əsgərov deyib.

Daimi nümayəndə hesab edir ki, Avropa Məhkəməsinə edilən şikayətlərin sayında azalma müşahidə edilir.