Vətəndaş hüquqları cəmiyyətləri “Facebook” rəhbərlərini istefa verməyə çağırıb.
Guardian yazır ki, onlar hesabatlılığı artırmaq üçün şirkətin idarə heyətinin yenidən qurulmali olduğunu düşünürlər.
29 cəmiyyətdən Mark Zukerberqə göndərilən məktubda deyilir: “Aydın görünür ki, rəhbərləriniz vətəndaş hüquqları cəmiyyətinin problemlərinə cavab verməyə qadir deyil. İndi yalnız siyasətinizdə yox, həm də rəhbərlikdə mühüm dəyişikliklər etməyin vaxtıdır”.
“New York Times”ın noyabrın 14-də yayımlanan hesabatında da bildirilir ki, “Facebook” rəhbərləri onları tənqid edənləri Corc Sorosun agentləri adlandıraraq gözdən salmağa çalışıblar. Hətta bu qaralama kampaniyası üçün reklam şirkətlərindən biri ilə müqavilə bağlayıblar.
Sübutlar qarşısında qalan “Facebook” təbliğat maşınını işə salıb və ictimai rəyi dəyişməyə çalışaraq tənqidçilərinə “hücum” ediblər.
“Facebook” rəhbərlərini istefa verməyə çağıran qruplar həmiçinin, şirkətin hədəfinə çevirdikləri bütün təşkilatlardan üzr istəməyi də tələb edirlər.
