Bansy-nin yeni rəsmi. Foto: REX

Sənətçi Benksi Böyük Britaniyada, Cənubi Uelsdə peyda olan yeni qraffitinin müəllifi olduğunu təsdiq edib.

BBC yazır ki, Benksi “Mövsümün salamları” adlandırdığı həmin əsərin videosunu rəsmi “Instagram” hesabında paylaşıb.

Qaraj divarlarına çəkilən əsər iki hissədən ibarətdir. Divarın bir küncündə qar yağışını sevinclə izləyən uşaq görünür, ancaq digər divardakı tonqalı görəndə məlum olur ki, əslində uşağın üzərinə yağan qar yox, küldür.

Qarajın sahibi İan Levis əsəri hasara alıb. O, qorxur ki, orjinal Benksi qraffiti rəsmi vandalizmin qurbanı ola bilər.

View this post on Instagram

. . . . Season’s greetings . . .

A post shared by Banksy (@banksy) on

Benksi kimdir: Şəxsiyyəti məlum olmayan qraffiti ustası Benksi ingilisdir. O, ictimai yerlərdə sənət əsərləri yaradır və özünəməxsus stili olduğu üçün əsərləri artıq asanlıqla ayırd edilə bilir. 1990-cı illərdə o, doğma şəhəri Bristolda sprey boya ilə grafittilər yaratmağa başlayıb. 2000-ci illərdə isə dünyanın müxtəlif yerlərində öz izini qoymağa başlayıb və məşhurlaşıb.

Şərhini yaz

Şərhinizi yazın
Adınızı daxil edin