Prezident Donald Trampın ABŞ əsgərlərini Suriyadan geri çağırmaq barədə qərarı ilə müttəfiqləri razı deyil.
Sputnik Türkiyə yazır ki, Böyük Britaniyadan sonra Fransa da ABŞ-a İŞİD-in hələ də xəritədən silinmədiyini xatırladıb.
Fransanın müdafiə naziri Florans Parli İŞİD həmişəkindən daha zəif və nəzarətindəki ərazilərin 90 faizini itirmiş olsa da hələ nə xəritədən silinib, nə də kökü qazınıb. Nazirin fikrincə terror təşkilatının əlində olan bütün torpaqlar geri alınmalıdır.
Fransanın Avropa işləri naziri Natali Luazo isə “CNews” müsahibəsində Avropanın öz prioritetləri olduğunu və müstəqil qərar qəbul etmək məcburiyyətində olduqlarını deyib:
“Əlbəttə, hələlik Suriyadayıq. Terrorla müharibə bitməyib”.
Nə baş verib: ABŞ prezidenti Donald Tramp “Twitter”də “İŞİD məğlubiyyətə uğradılıb, Suriyada qalmağa səbəb yoxdur” yazıb.
Yüzlərlə vətəndaşının cihada getdiyi Fransanın hazırda Suriya və İraqda 1100 əsgəri var.
