Yeni qaydalara görə Britaniyada iş vizası almaq necə mümkün olacaq?

Kimlər Böyük Britaniyadan 1 illik iş vizası ala bilər?

Yeni Brexit-dən sonra immiqrasiya qaydalarına əsasən, on minlərlə aşağı ixtisaslı miqrant bir il müddətinə işləmək üçün Böyük Britaniyaya gedə bilər. Bu qayda 2025-ci ilə qədər qüvvədə olacaq.

Daxili işlər naziri Sacid Cavid deyib ki, yeni sistem miqrantların haradan gəldiyindən daha çox, Böyük Britaniyanın nəyə ehtiyacının olduğuna əsaslanır.
Yeni sistemi immiqrasiya siyasətinin ən sarsıdıcı qərarlarından biri kimi qiymətləndirən nazir bildirib ki, Böyük Britaniyanın miqrant sayını azlatmaq hədəfi yoxdur. Ancaq bu yeniliklərdən sonra miqrant sayında azalma müşahidə ediləcək.

Ağ kağızda aşağıdakılar nəzərdə tutulur:

• Mövcud limiti Avropa Birliyi ölkələrindən və digər yerlərdən gələn yüksək ixtisaslı işçilərin (həkimlər və ya mühəndislərin) sayına uyğunlaşdırmaq.

• Beş illik viza istəyən ixtisaslı miqrantlar üçün 30 min avroluq minimum əmək haqqı tələbi üzrə konsultasiya.

• Avropa Birliyi ölkələrindən gələnlərə viza lazım olmayacq, çünki 2021-ci ildən yeni sistemə keçmək planlaşdırılır.

Aşağı ixtisaslı işçilər üçün 12 aylıq viza

Rəsmilər bildirir ki, bundan sonra aşağı ixtisaslı işçilər Böyük Britaniyada daimi yaşaya bilməyəcəklər. Ancaq keçid dövrü ərzində həm Avropa Birliyinin, həm də “az riskli digər ölkələr”in vətəndaşları iş təklifi olmadan 1 illik Britaniyaya gəlib iş axtara biləcəklər.

Bir ildən sonra həmin şəxslər ölkədən çıxmalıdırlar. Ən əsası da onlar Böyük Britaniyaya gəlmək üçün yenidən müraciət etmək istəyəndə 12 ay gözləməli olacaqlar.

“Migration Watch” isə bildirir ki, 1 ildən sonra insanların ölkəni tərk etdiyinə əmin olmağın hər hansı üsulu yoxdur. Ona görə də Böyük Britaniyanın aşağı ixtisaslı şəxsləri də ölkəyə qəbul etməsi riskli qərar kimi qiymətləndirilir.

Yüksək ixtisaslı işçilərə məhdudiyyət yoxdur

Ağ Kağız Avropadan və kənardan gələn yüksək ixtisaslı miqrantlar üçün yeni viza rejimi təqdim edir.
Belə ki, yüksək ixtisaslı işçilər qoyulan 20,700 nəfərlik mövcud həddi keçmək nəzərdə tutulur.

Kimlər yüksək ixtisaslı işçi sayılır: 5 il müddətində Avropa İqtisadi Sahəsi və İsveçrədən kənarda olan hər bir şəxs “Tier 2” ümumi iş vizası üçün müraciət etmək hüququna malikdir.
Onlar mütləq Böyük Britaniyadan iş təklifi almalıdırlar.
Yüksək ixtisaslı işçilər kateqoriyasına həkimlər, tibb bacıları, musiqiçilər, təyyarə pilotları, brokerlər, kitabxanaçılar, jurnalistlər, qida müfəttişləri, sosial işçilər, memarlar, hüquqşünaslar və digərləri daxildir.

Miqrantlara 30 min avro illik maaş verilməyi planlaşdırılır və bu da bəzi qurumları, işçi qruplarını narahat edir. Onlar bu məbləğin azaldılmalı olduğunu, əks halda işəgötürənlərin çətin vəziyyətdə qalacaqlarını deyirlər.