Danimarka vətəndaşı olmaq istəyənlər əl sıxaraq salamlaşmalı olacaq

Danimarka parlamenti hökumətin təklif etdiyi “vətəndaşlıq almaq üçün əl sıxaraq salamlaşmaq şərti” ilə bağlı qanun layihəsini qəbul edib.

Yeni qanuna əsasən Danimarkada vətəndaşlıq almaq hüququna malik olan şəxslər qəbul mərasimində danimarkalı rəsmilərlə əl sıxaraq salamlaşmalı olacaq.

Bəzi qruplar isə hesab edir ki, parlamentin bu qərarının əsas hədəfi müsəlmanlardır.

Yeni qanun yanvarın 1-dən qüvvəyə minəcək.

Nə baş verib: Əl sıxaraq salamlaşmağın icbari olmasını Mühafizəkar Partiya, Sosial Demokrat Partiyası və Danimarka Xalq Partiyası tələb edib. Partiya üzvləri deyiblər ki, vətəndaşlığa qəbul olunan şəxslər Danimarka hökumətinə və dəyərlərinə hörmət etməlidirlər.