Zərərçəkən vətəndaş. Foto: şəxsi arxiv

Bakının “Sovetski” adlanan məhəlləsində axşam saatlarında polis bir ailənin bir neçə üzvünü saxlayıb. Şikayətçi Elnarə Cəfərova Mikroskop-a danışıb ki, hadisə polisin onları evlərindən çıxarmağa cəhd etməyindən sonra olub:

“Kimsə pəncərəyə daş atdı, çıxdım gördüm ki, 26-cı bölmənin polisləridir. Soruşdum ki, niyə daş atırsız, dedilər əcəb edirəm, çıxmalısan evdən. Dedim gəl xəbərdarlıq elə, pəncərəyə niyə daş atırsan? Nalayiq söyüşlər söyüb dedi ki, əcəb edirəm, gir içəri”.

E.Cəfərovanın sözlərinə görə, indiyə qədər onlara evdən çıxmalı olduqları barədə heç vaxt xəbərdarlıq belə edilməyib. Tolstoy küçəsi 51, mənzil 10-da yaşayan şikayətçi deyir ki, 17 yaşlı oğlunu polislər döyüb və onun burnu sınıb:

“Oğlum indi polis bölməsindədir, buraxmırlar. Həmçinin yoldaşım, qaynım, qaynımın uşaqları da hamısı bölmədədir”.

Şikayətçi ailə üzvləri ilə birlikdə Baş Prokurorluğun qarşısında aksiya keçirməyə hazırlaşır.

Şərhini yaz

Şərhinizi yazın
Adınızı daxil edin