Mətin Akpınar və Müjdat Gezən. Foto: Anadolu Agentliyi

Türkiyənin tanınmış aktyorları Mətin Akpınar və Müjdet Gezən polisə çağırılıb.

Sputnik Türkiyə yazır ki, buna səbəb aktyorların “Halk TV”-də yayımlanan “Xalq arenası” verilişində səsləndirdikləri fikirlər olub. Hər iki aktyor polisin müşayiəti ilə Anadolu Ədliyyə Sarayına aparılıb.

Müjdat Gezən “Oda TV”-yə açıqlamasında deyib ki, verilişdə nə dediyi aydındır:
“Bir azdan prokurorluqda da təkrarlayacağam. Təkcə Rəcəb Tayyib Ərdoğana yox, heç kimə mənim vətənpərvərliyimi mühakimə etmək haqqı vermirəm”.

Nə baş verib: Mətin Akpınar verilişdə deyib ki, ölkədəki qarışıqlıqdan yeganə xilas yolu kimi demokratiyanı görür: “Ona çata bilsək, dava-döyüş olmaz, biz bu işi həll edə bilərik. Yox bunu əldə edə bilməsək, hər faşizmin üzləşdiyi kimi bəlkə lideri ayağından asarlar, bəlkə zirzəmilərdə zəhərlənərək ölər”.

Müjdat Gezən isə “Rəcəb Tayyib Ərdoğan, sən bizim vətənpərvərliyimizi sınaya bilməzsən, həddini bil”, deyib.

Şərhini yaz

Şərhinizi yazın
Adınızı daxil edin