Ən qədim insan növlərindən olan Australopithecusa məxsus fosilin beyninin yarısının insan, yarısının isə meymun xüsusiyyətlərinə malik olduğu aşkarlanıb.
Euronews yazır ki, fosil 3 milyon il əvvələ aiddir və ona “Kiçik ayaq” (Little Foot) adı verilib.
Alimlər bu tapıntını təkamülün əksik halqası kimi qiymətləndirir. “Kiçik ayaq”ın indiyə kimi cavabsız qalan suallara cavab tapacağı deyilir.
Nə baş verib: Fosil 20 il əvvəl Cənubi Afrika Respublikasının Yohannesburq şəhəri yaxınlığında tapılıb. Onun beynindəki bu yeni tapıntı isə müasir texnologiya ilə aparılan yeni araşdırmadan sonra üzə çıxıb.
