Qanun layihəsi müzakirə edilir. Foto: Report

Gürcüstan parlamentinin İnsan haqları və vətəndaş inteqrasiyası komitəsində ictimai yerlərdə çadra, niqab və burkanın qadağan olunmasını nəzərdə tutan qanun layihəsi müzakirə olunub.

Report yazır ki, sənədin müəllifi olan Vətənpərvərlər Alyansı Partiyasının deputatı Emzar Kvitsiani bu cür geyimlərin şəxsiyyətin müəyyən olunmasına imkan vermədiyini və terrorçuluq təhlükəsi yaratdığını deyib. Deputatın sözlərinə görə, qanun layihəsindən çadra sözü çıxarılıb.

Sənədin növbəti müzakirəsi yanvarın 21-nə təyin olunub.

Qanun layihəsi nəyi nəzərdə tutur: Bütün ictimai yerlərdə niqab və burkadan istifadəyə görə 500 lari (188 dollar), təkrar istifadəyə görə isə 1500 lari (563 dollar) məbləğində cərimə tətbiq olunur.

  • Üzü bağlayan geyimlərə qadağa Gürcüstanda akkreditasiya olunmuş diplomatik korpusların əməkdaşlarına şamil olunmayacaq.

Şərhini yaz

Şərhinizi yazın
Adınızı daxil edin