https://www.facebook.com/MikroskopMedia/videos/2120366828278175/
Ötən gün İlham Əliyev Polis Akademiyasının yeni tədris binasının açılışında iştirak edəndə ona həm də yol polisi əməkdaşları üçün alınan yeni avtomobillər təqdim olunub. DİN Baş Dövlət Yol Polis İdarəsinin Yol Patrul Xidməti və Post Patrul Xidməti üçün birlikdə 178 ədəd avtomobil alınıb.
Bu avtomobillər neçəyədir?
YPX üçün alınan 118 avtomobildən 75-i “Mercedes” C-300 modelidir. Bu model maşınların Azərbaycanda satış qiyməti 98 min manatdır. Yerdə qalan avtomobillərdən 4 ədədi E-450 modelidir ki, onun da qiyməti modelin növündən asılı olaraq 120 min manatdan başlayır. YPX əməkdaşları üçün hansı növ E-450 alındığı barədə ətraflı məlumat yoxdur.
Son 39 avtomobil isə eyni markanın E-350 modelidir. Bunun da qiyməti 100 min manatdan çoxdur.
Ümumilikdə YPX üçün alınan 118 avtomobilə orta hesabla 11 milyon 730 min manat xərclənib.
PPX üçün alınan 60 ədəd “Mercedes” Citanın qiyməti 20-25 min manat arasında dəyişir. Bu da 1 200 000 – 1 500 000 manat arası xərc tələb edir.
Azərbaycanla İranın birgə avtomobil zavodu Azərmaşın istehsalı olan Khazar LD avtomobilinin qiyməti 18 min manatdır. Bu maşınlar bu ilin avqustundan satışa çıxarılıb.
DİN əməkdaşları üçün neçə ədəd Khazar LD alındığı barədə məlumat yoxdur.
Yol polisi maşınlarında son yenilənmə nə vaxt olub?
Sonuncu dəfə 2017-ci ilin noyabr ayında yol polisi əməkdaşlarına yeni maşınlar alınıb. Bu, “Mercedes” AMG C43 markalı avtomobil idi və həmin vaxt onun satış qiyməti 100 min manat olub. İndiyədək DYP-nin Yol Patrul Xidməti avtomobilləri əsasən BMW və KİA markalı maşınlar olub.
