Taleh Xasməmmədov. Foto: şəxsi arxiv / facebook

İki gündür harada olduğu bilinməyən hüquq müdafiəçisi Taleh Xasməmmədovun barəsində cinayət işinin açıldığı bəlli olub.

DİN-in mətbuat xidmətindən “Report”a verilən məlumata görə Taleh Xasməmmədovun bir nəfərdən rüsvayedici məlumatlar yayacağı hədəsi ilə 1000 manat pul alarkən polis tərəfindən saxlanılıb.

Hüquq müdafiəçisi barəsində Cinayət Məcəlləsinin 182-ci (hədə-qorxu ilə tələb etmə) maddəsi ilə cinayət işi başlanıb.

  • Taleh Xasməmmədov bundan əvvəl 2011-ci il noyabrın 12-də həbs olunub. O polisin otağında xuliqanlıq etməkdə günahlandırılaraq 4 il müddətinə azadlıqdan məhrum edilib.

  • 17 mart 2016-cı ildə əfv edilərək azadlığa buraxılıb.