Avropa Şurası Parlament Assambleyasının (AŞPA) Azərbaycan üzrə həmməruzəçiləri, bloqqer Mehman Hüseynova qarşı sürülən yeni ittihamlarla bağlı rəsmi bəyanat yayıblar. Azadlıq Radiosu yazır ki, bəyanatda həmməruzəçilər Ser Rocer Geyl və Stefan Şennax yeni ittihamlarla bağlı dərin narahatlıqlarını bildirirlər.
Təəssüflər olsun ki, təxmin etməyə ciddi əsaslar var ki, yeni ittiham açıq şəkildə siyasi motivlidir və açıq şəkildə bizim siyasi məhbus hesab etdiyimiz tanınmış insan haqları fəalının susdurulmasını davam etdirmək üçün edilib.
Həmməruzəçilər Azərbaycan hakimiyyətini bu məsələyə prioritet şəkildə baxmağa səsləyirlər.
Buna da bax: Mehman Hüseynova dəstək aksiyasında saxlanılanlara sutkalıq həbslər verilib
Nə baş verib: Video-bloqqer Mehman Hüseynov həbs müddətinin bitməyinə iki ay qalmış yeni cinayət işində ittiham olunub. Penitensiar xidmətin yaydığı məlumata görə, o, 14 saylı cəzaçəkmə müəssisəsinin əməkdaşına xəsarət yetirib və otaqdakı əşyaları dağıdıb.
Cinayət Məcəlləsinin 317.2-ci (cəzaçəkmə müəssisəinin əməkdaşına təhlükəli şəkildə zor tətbiq etmək) maddəsi ilə cinayət işi qaldırılıb. İttiham təsdiqini taparsa, bloqqeri 5 ildən 7 ilə qədər həbs gözləyir.
https://www.instagram.com/p/BsP7g4pA6Ky/
