İnsan Hüquqları üzrə Müvəkkilinin Milli Preventiv Qrupunun (MPQ) üzvləri Ədliyyə Nazirliyi Penitensiar Xidmətinin Bakı İstintaq Təcridxanasına baş çəkiblər.
Qurumun mətbuat xidmətinin yaydığı məlumata görə, ziyarətdə MPQ-nin rəhbəri və həkim üzvü də olub və bu müəssisədə saxlanılan Mehman Hüseynov da konfidensial qaydada qəbul olunub, müraciəti dinlənilib, qida qəbul etməsi və sağlamlıq durumu ilə bağlı vəziyyəti yerində araşdırılıb.
Buna da bax: Mehmana dəstək aksiyasında saxlanılan gənclərə sutkalıq həbslər verildi
MPQ-nin üzvlərinin yaydığı məlumatda qeyd edilib ki, M.Hüseynov qida qəbul edir, sovqat alır, gündəlik həkim nəzarətindədir və sağlamlıq durumu normaldır.
M.Hüseynovun Ombudsmana ünvanladığı yazılı müraciəti baxılması üçün Baş Prokurorluğa göndərilib.
