AXCP-nin Rəyasət Heyətinin üzvü Aqil Məhərrəmlinin digər partiya fəalları ilə birlikdə dünən başlayan məhkəməsində o, vəkilindən narazılıq edib.
Meydan TV yazır ki, məhkəmədə təqsirləndirilən şəxslərin anket məlumatları dəqiqləşdirilərkən A.Məhərrəmli həbs olunarkən ona dövlət hesabına təyin edilmiş vəkil Səfər Hüseynova bildiriş göndərilməsinə etiraz edib. Bildirib ki, S.Hüseynovun gözü qarşısında ona işgəncə verilib, o isə susub:
O “poykovoy” vəkil görür mənə işgəncə verirlər, qayıdıb deyir ki, “cavansan, yadından çıxacaq.
Buna da bax: Cəbhəçilərin məhkəməsi üçün toplanan fəallar saxlanılıb
Vəkillər təqsirləndirilən şəxslərin şüşə kabindən çıxarılması, prosesin audio və video yazısına şərait yaradılması, ev dustaqlığına buraxılma, ifadənin işgəncə altında verildiyindən onun sübutlar siyahısından çıxarılması və s. barədə bir neçə vəsatət qaldırsa da onların heç biri məhkəmə tərəfindən təmin olunmayıb.
Növbəti məhkəmə prosesi 15 yanvarda olacaq.
https://www.facebook.com/MikroskopMedia/videos/1114459792068277/
Nə baş verib: Gədəbəyin keçmiş icra başçısı Saleh Rüstəmli, qardaşı oğlu Vidadi Rüstəmli və AXCP-nin Rəyasət Heyətinin üzvü Aqil Məhərrəmli, Gənclər Komitəsi Məclisinin sədri Ruslan Nəsirli və Nərimanov şöbəsinin sədri Babək Həsənovun məhkəməsi başlayıb. Yanvarın 7-də Bakı Ağır Cinayətlər Məhkəməsində hakim Eldar İsmayılovun sədrliyilə onların işi üzrə hazırlıq iclası keçirilib. Onlar qanunsuz sahibkarlıqda ittiham olunur.
