“Hollywood Foreign Press Association”un verdiyi “Qızıl Qlobus” mükafatının bu ilki qalibləri müəyyənləşib.
NTV yazır ki, “Queen” rok qrupu haqqında çəkilən “Bohemian Rhapsody” “ən yaxşı film” nominasiyasında qalib olub. Filmin baş rol ifaçısı Rami Malek isə “Ən yaxşı aktyor” seçilib.
Gözlənildiyinin əksinə “A Star Is Born” filmi isə cəmi bir mükafata layiq görülüb. Filmdə baş rolda oynayan pop ulduz Ledi Qaqa məhz bu film üçün bəstələdiyi “Shallow” mahnısı ilə “Ən yaxşı film mahnısı” nominasiyasında “Qızıl qlobus”un sahibi olub.
