Müsavat Partiyasının həbsdə olan fəalı Azad Həsənov aclıq aksiyasına başlayıb. Arqument.az yazır ki, bu barədə onun vəkili Osman Kazımov məlumat verib.
Vəkilin sözlərinə görə, Azad Həsənov bu gün baş tutan məhkəməsində Mehman Hüseynova dəstək və özünün yaxın qohumları ilə görüşməsinə telefon əlaqəsinə imkan verilməməsi ilə bağlı aclıq aksiyasına başladığını bəyan edib.
Buna da bax: Müsavatın Mehman Hüseynova dəstək aksiyasına icazə verilmədi
Nə baş verib: Bakı Apellyasiya Məhkəməsi müsavatçı fəal Azad Həsənovun ev dustaqlığına buraxılması ilə bağlı vəkilin verdiyi vəsatəti təmin etməyib.
Azad Həsənov kimdir: Litvada mühacir statusu olan A.Həsənov 2018-ci il oktyabrın 11-də ağır vəziyyətdə olan atasını görmək üçün Bakıya qayıdıb və bundan bir neçə saat sonra yaşadığı Hövsan qəsəbəsində həbs edilib. O, külli miqdarda narkotik maddə satmaqda ittiham olunur.
