Leyla Abdullayeva. Foto: Trend

“Rəsmi Paris Mehman Hüseynov məsələsinə münasibət bildirməkdənsə, Fransada nümayişçilərə qarşı zorakılığı dəyərləndirsin”.

Trend yazır ki, bunu Azərbaycan Xarici İşlər Nazirliyinin mətbuat xidmətinin rəhbəri Leyla Abdullayeva deyib.

L.Abdullayeva hazırda Fransada davam edən “sarı jilet”lər aksiyasını xatırladıb və bu ölkənin Mehman Hüseynov məsələsinə münasibət bildirməyini gülməli hesab edib:

Ölkədə nümayişçilərə qarşı su şırnaqları, dəyənəklər və digər qeyri-proporsional şiddət növlərindən istifadə olunur, 4500-dən çox nümayişçi saxlanıb. Biz ümid edirik ki, Fransada saxlanılan nümayişçilərə qarşı ittihamlar aradan qaldırılacaq və onlar qısa zamanda azadlığa buraxılacaqlar.

XİN sözçüsü Fransanı ermənipərəst mövqe tutmaqda günahlandırıb və hesab edir ki, bu, Azərbaycana qarşı ikili standartın təzahürüdür.

Buna da bax: Amnesty International: Mehman Hüseynov dərhal və şərtsiz azad olunmalıdır

Nə baş verib: Fransa Xarici İşlər Nazirliyinin nümayəndəsi bloqqer Mehman Hüseynovun işini diqqətlə izlədiyini bildirib. O deyib ki, Mehman Hüseynova qarşı yeni cinayət ittihamının onun üzərindən götürüləcəyini və onun tezliklə azadlığa buraxılacağını ümid edir. ATƏT-in media azadlığı üzrə nümayəndəsi Arlem Dezirin isə məsələ ilə bağlı Azərbaycanın xarici işlər nazirinə məktub ünvanladığı bildirilir.

Şərhini yaz

Şərhinizi yazın
Adınızı daxil edin