Avropa Məhkəməsi araşdırmaçı jurnalist Xədicə İsmayılovaya görə Azərbaycan hökumətini 16 min 750 avro məbləğində cərimələyib.
BBC yazır ki, bu barədə Avropa İnsan Haqları Məhkəməsinin rəsmi saytında məlumat yerləşdirilib.
- Avropa İnsan haqları Məhkəməsi Azərbaycan hökumətini Xədicə İsmayılovaya görə bundan əvvəl də cərimələyib. 7 min avro məbləğində təzminat dekabrın 11-də hesabına köçürülsə də ondan 1 həftə əvvəl Vergilər Nazirliyi jurnalistin hesabına həbs qoyduğu üçün o, həmin pulu ala bilməyib.
https://www.facebook.com/MikroskopMedia/videos/332903207301142/
Nə baş verib: Jurnalist 2014-cü ildə həbs olunaraq vergidən yayınma, qanunsuz sahibkarlıq kimi ittihamlarla 7 il 6 ay müddətinə azadlıqdan məhrum edilib. O, 2016-cı ildə şərti azadlığa buraxılıb. Xədicə İsmayılova və Beynəlxalq Hüquq Müdafiə təşkilatları bu həbsi siyasi qərar adlandırır və İsmayılovanın ölkənin hakim ailəsi barədə yazdığı biznes araşdırmalarına görə cəzalandırıldığını düşünür.
