İngiltərəli məşhur müğənni, bəstəkar və aktyor Devid Bovi 1 il əvvəl bu gün 69 yaşında vəfat etdi. Onun ad günündən və yeni albomunu təqdim etməsindən 2 gün keçmiş vəfat etməsi ailəsi və yaxınlarından başqa hamını şoka saldı.
Sonradan məlum oldu ki, sənətçi uzun müddət xərçəngdən əziyyət çəkib və öləcəyini əvvəlcədən bilib.
Dahiliklə dəlilik arasındakı incə xətti silən Devid Bovi haqqında ən maraqlı məlumatları bölüşürük:
1
Sənətçinin oğlu Dankan Consun sözlərinə görə, atası küllərinin Bali adasına tökülməyini vəsiyət edib. Onun külü vəsiyyətinə uyğun olaraq Buddist rituallara uyğun şəkildə təbiətə qaytarılıb.
2
Devid Bovi 42 il onun köməkçisi olan Korinne Şvaba 2 milyon dollar pul vəsiyət edib.
Müğənninin həyat yoldaşı və iki övladına isə 100 milyon dollar çatıb.
3
Ölümündən sonra BBC 6 radiosunun dinlləyiciləri “Life On Mars”, “Changes and Oh”, “You Pretty Things!” adlı mahnıların da yer aldığı 1971-ci ildə təqdim edilən “Hunky Dory” albomunu Devid Bovinin ən yaxşı albomu elan ediblər.
4
Ədəbiyyata böyük marağı olan Devid Bovinin sevdiyi şairlər arasında Nazım Hikmət də olub.
5
Sənətçinin ad günündə təqdim edilən “Blackstar” onun vida albomu idi. 18 ay xərçənglə mübarizə aparan və tezliklə öləcəyini bilən sənətçi son albomunu ölümə həsr edib.
6
Devid Bovinin üz qabığında özünün fotosunun yer almadığı tək albom “Blackstar”dır.
7
33 film və serialda rol alan Devid Bovi “The Man Who Fell to Earth” filmindəki roluna görə, ən yaxşı aktyor mükafatına layiq görülüb.
8
Məşhur “Prestige” filmində Nikola Teslanı canlandırıb.
9
Çaya fobiyası var idi. 5 yaşından sonra çay içməyib.
