Amerika Milli Mətbuat Mərkəzində bloger Mehman Hüseynov və digər siyasi məhbuslarla bağlı mətbuat konfransı. Foto: press.org

Bloqqer Mehman Hüseynovun qardaşı Emin Hüseynov onunla telefon danışığına müdaxilələrin olduğunu deyib.

Reportyorların Azadlıq və Təhlükəsizliyi İnstitutunun (RATİ) direktoru E.Hüseynov bu barədə ötən gün Vaşinqtonda Amerika Milli Mətbuat Mərkəzində baş tutan tədbirdə məlumat verib.

Biz son günlər Mehmanla yalnız vəkillər vasitəsi ilə əlaqə saxlaya bilirik. Lakin Mehmanın vəkilləri ilə olan söhbətini də yazırlar. Hətta mən sonuncu dəfə Mehmanla danışanda da telefon danışığımıza müdaxilə edirdilər.

Bloqqerin qardaşı deyib ki, onlar yalnız dünən danışa biliblər.

Vəkil mənə dedi ki, Mehman hələ də aclığı davam etdirir. O süd və su qəbul edir, səhhətində problemlər yaranıb. Ayaqlarında ağrılar var. Bundan öncə hökumətin dırnaqarası hüquq müdadfiəçiləri Mehmana baş çəkib. Onlar iddia etmişdilər ki, heç kim Mehmana işgəncə vermir, aclıq aksiyası keçirmir, hər şey yaxşıdır. Bunların hamısı tamam yalandır. Bu gün vəkil yenə Mehmanın qardaşları ilə telefon əlaqəsi saxlamaq hüququnu xatırladıb. Mehmanın sözü budur ki, o aclığı fevral ayınadək davam etdirmək niyyətindədir. Biz onun vəziyyəti ilə bağlı çox ciddi narahatlıq keçiririk.

Buna da bax: Amnesty International: Mehman Hüseynov dərhal və şərtsiz azad olunmalıdır

Tədbirdə Amnesty International təşkilatının Avropa və Orta Asiya üzrə nümayəndəsi Daniel Belson da iştirak edib və təşkilatın Azərbaycanda siyasi və vicdan məhbusları ilə bağlı baş verənləri izlədiyini vurğulayıb. Hüquq müdafəçisi 2016-2018-ci illərdə Azərbaycanın Pentaqondan 20 milyon dollar dəstək aldığını xatırladaraq ölkə ilə işbirliyi edən hərkəsi Mehman Hüseynov və digər siyasi məhbusların azad olunmasını tələb etməyə çağırıb.

Nyu Yorkda Mehman Hüseynova dəstək aksiyası

Nyu Yorkun bir neçə metrosunun girişində Mehman Hüseynovun həbsi barədə posterlər vurulub. #FreeMehman

Posted by Mikroskop Media on Thursday, January 10, 2019

Şərhini yaz

Şərhinizi yazın
Adınızı daxil edin