Mehman Hüseynova dəstək aksiyasında həbs olunan gənclərə qarşı ayrıseçkilik edilir

Bloqqer Mehman Hüseynova azadlıq tələbi ilə keçirilən aksiyada həbs olunan gənclər saxlanma şəraitlərindən narazıdırlar.

Yanvarın 6-da baş tutan aksiyada inzibati qaydada həbs olunan Mete Türksoy, İsmayıl Nadirli və Qoşqar Əhmədovun yaxınları deyir ki, başqa məhbuslarla müqayisədə onların şəraiti daha pisdir.

Meydan TV yazır ki, gənclərin yaxınları onlara təmiz yataq verilmədiyini, yatağın çirkli olduğunu deyir:

Buna da bax: Mehmana dəstək aksiyasında saxlanılan gənclərə sutkalıq həbslər verildi

Yeməkdən də narazıdılar. Deyirlər ki, çay içiləsi deyil, səhərlər bir dilim çörək, 10 qram yağ verirlər, vəssalam. Günortaya sup, çörəyin dörddə birini verirlər. Axşamlar isə 1 dilim çörək, bir tikə toyuq əti ilə qidalanırlar. Sovqat gətirmək də qadağandır.

Yaxınları hər 3 gəncin gəzinti və telefonla danışmaq hüquqlarının da məhdudlaşdırıldığını bildirir.

Zəng edəndə dedilər ki, gün ərzində hamının 3 saata kimi gəzinti hüququ var, ancaq onlara vur-tut 4 dəqiqəlik icazə verirlər. Telefon danışıqlarını da dinləyirlər. Başqa saxlanılanlar özləri zəng edə bilir, onlara ancaq nəzarətçilərin müşaiyəti ilə telefonla danışmaq imkanı verirlər.

Nə baş verib: Apelyasiya Məhkəməsi qarşısında keçirilən aksiyanın təşkilatçısı Mete Türksoy İnzibati Xətalar Məcəlləsinin 513.1 (Yığıncaqların, mitinqlərin, nümayişlərin, küçə yürüşlərinin və piketlərin təşkilinin və keçirilməsinin “Sərbəst toplaşmaq azadlığı haqqında”) maddəsi ilə təqsirli bilinib və 25 sutka azadlıqdan məhrum edilib. Eyni maddə ilə ittiham edilən İsmayıl Nadirli və Qoşqar Əhmədovun hər biri 20 sutka inzibati həbsə məhkum olunub.

Şərhini yaz

Şərhinizi yazın
Adınızı daxil edin