Bazar günü ABŞ-ın ən məşhur seriallarından olan “Taxt Oyunları”nın rəsmi “YouTube” kanalında yeni tizer yayımlanıb.
Tizerdə baş qəhrəmanlar Con Snou, Sansa və Arya Stark Vinterefell qəsrinin məqbərəsində gəzərkən görünür. Onlar öz əcdadlarının səslərini eşidirlər. Tizerdə serialın əvvəlki mövsümlərində də xüsusi yeri olan quş lələyi vurğulanıb. Con Snou, Sansa və Arya Starkın məqbərədə qarşılaşdıqları heykəllərdən üçü onların daha yaşlı halına bənzəyir.
Tizer baş qəhrəmanların tələyə düşdüyü səhnə ilə sona yetir.
Serialın sonuncu – səkkizinci mövsümününün qala gecəsi aprelin 14-də baş tutacaq.
