Zamirə Hacıyevanın 1 milyonluq üzüyü müsadirə edilib

Böyük Britaniyanın səlahiyyətli orqanları Azərbaycan Beynəlxalq Bankının İdarə Heyətinin keçmiş sədri Cahangir Hacıyevin həyat yoldaşı Zamirə Hacıyevanın dəyəri 1 milyon funt sterlinqdən baha olan brilliant üzüyünü müsadirə edib.

Telegraph yazır ki, 8,9 karatlıq “Cartier” üzüyü C. Hacıyev 8 il əvvəl Londonun məşhur “Harrods” univermağından alıb.

Böyük Britaniya Milli Cinayət Agentliyi əmindir ki, bu üzüyün alınması üçün sərf olunan maliyyə mənbəyi növbəti araşdırmaların aparılmasını tələb edəcək.

Nə baş verib: Azərbaycan Beynəlxalq Bankının İdarə Heyətinin hazırda həbsdə olan sabiq sədri Cahangir Hacıyevin həyat yoldaşı Zamirə Hacıyeva Britaniyanın paytaxtı Londonda saxlanılıb. 55 yaşlı Z.Hacıyeva Britaniyada ilk dəfə tətbiq edilən “İzahedilməz Sərvət Sərəncamı” (Unexplained wealth orders,UWO)çərçivəsində həbs olunub. Bu sərəncama əsasən o, var-dövlətini hansı mənbədən əldə etdiyini açıqlamalıdır. O, ötən il noyabrın 8-də zaminə buraxılıb.

Şərhini yaz

Şərhinizi yazın
Adınızı daxil edin