Bu gün Nəsimi Rayon Məhkəməsində hakim Azər Tağıyevin sədrliyilə Bakı Ağır Cinayətlər Məhkəməsinin qarşısında yanvarın 15-də saxlanılan beş nəfər haqqında qərar çıxarılıb.
Meydan TV yazır ki, qərara əsasən, cəbhəçi gənclər İnzibati Xətalar Məcəlləsinin 535.1 (polisin qanuni tələbinə tabe olmamaq) maddəsilə təqsirli bilinib.
AXCP Gənclər Komitəsinin sədri Emil Səlimov və Nicat Abdullazadənin hər biri haqqında 20 sutka inzibati həbs, Emin Maniyev, Nicat Nizamov və Şəmistan Həziyevin hər biri haqqında isə 200 AZN cərimələnmə hökmü çıxarılıb.
Buna da bax: AXCP və Milli Şuranın mitinqinə razılıq verildi
AXCP üzvləri qərarı əsassız hesab edir.
“Biz polisə müqavimət göstərməmişik. Əksinə, polis, sakit dayanıb cəbhədaşlarımızın məhkəməsini gözlədiyimiz yerdə bizi tutub aparıb. Apelyasiya şikayəti verəcəyik”, – deyə Nicat Nizamov bildirib.
