Avropa Parlamentinin bu gün keçirilən plenar iclasında insan hüquqlarının pozulması ilə bağlı vəziyyət, xüsusilə də bloqqer Mehman Hüseynovun işi müzakirə olunub.
Turan yazır ki, çıxış edən müxtəlif ölkə və fraksiyalardan iyirmiyə yaxın parlamentari Azərbaycan hakimiyyətinin uzun illərdir öz öhdəliklərinə məhəl qoymadığını, insan hüquqlarını və demokratiya normalarını kobud şəkildə və saymazcasına pozduğunu vurğulayıb.
.@Europarl_EN calls for the immediate and unconditional release of #MehmanHuseynov & urges the #Azerbaijan's authorities to drop all new charges against him https://t.co/NiibVClvYs Read @hrw about bogus new charges against him https://t.co/pjAJaC9zek #FreeMehman pic.twitter.com/8hGAUrb3CB
— Giorgi Gogia (@Giorgi_Gogia) January 17, 2019
Deputatlar tələb ediblər ki, hakimiyyətin özbaşınalığına son qoyulmalı və birinci şəxs başda olmaqla, Azərbaycanda insan hüquqlarının pozulmasında təqsirli olan bütün digər məmurlara qarşı sanksiyalar tətbiq edilməlidir.
Buna da bax: Foreign Policy Azərbaycandakı aclıq aksiyasından yazır
Ticarət üzrə Avropa Komissarı Sesiliya Malstr deyib ki, Brüssel Azərbaycan hakimiyyəti ilə Mehman Hüseynovun işi üzrə daimi dialoq aparır və onun dərhal və qeyd-şərtsiz azad edilməsini tələb edir.
Müzakirələrin yekununda Avropa Parlamentinin Bakını insan hüquqlarının kütləvi və kobud şəkildə pozulmasına görə tənqid edən qətnaməsi qəbul edilib.
