AXCP fəalı iki gündür yoxa çıxıb

Azərbaycan Xalq Cəbhəsi Partiyasının (AXCP) fəalı Namiq Abbasəliyev iki gündür ki, axtarılır.

Azadlıq radiosu yazır ki, partiyadan verilən məlumata görə, N.Abbasəliyevi iki gün öncə – yanvarın 15-də Sumqayıt yolunda polis saxlayıb.

Partiyadan nə deyirlər: Ailəsinə, dostlarına N.Abbasəliyevin harada saxlanması barədə məlumat verilmir. Heç bir polis idarəsi onu saxladığını təsdiq eləmir.

  • Məsələyə Daxili İşlər Nazirliyindən münasibət almaq mümkün olmayıb.

Nə baş verib: Hazırda AXCP-nin müxtəlif ittihamlarla üzləşən 10-a yaxın fəalı uzunmüddətli həbsdədir. Daha bir neçə fəal isə polisə müqavimətdə günahlandırılaraq inzibati qaydada həbs edilib. AXCP rəhbərliyi bütün işləri siyasi və qurama hesab edir.

Şərhini yaz

Şərhinizi yazın
Adınızı daxil edin