Azərbaycanda hazırda həbsdə olan bloqqer Meyman Hüseynovun başlatdığı və sonradan digər siyasi məhbusların da dəstək verdiyi aclıq aksiyası barədə nüfuzlu Foreign Policy dərgisində yazı dərc edilib.
Yazıda qeyd olunur ki, ABŞ və Avropa Azərbaycanı strateji əməkdaş kimi görür və buna görə də ölkədə baş verən hüquq pozuntularına göz yumur.
Burada həmçinin Mehman Hüseynov, Əfqan Muxtarlı, Xədicə İsmayıl və Emin Hüseynovun başına gətirilənlər haqqında qısa məlumatlar yer alıb.
Buna da bax: Aclıq aksiyasına başlayan siyasi məhbusların məktubunun tam mətni
Bildirilir ki, bazar ertəsi günü daha öncə həbsdə yatmış araşdırmaçı-jurnalist Xədicə İsmayıl da Facebook profilində aclıq aksiyasına qoşulacağını açıqlayıb. O, beynəlxalq aləmi Mehman Hüseynova dəstək verməyə çağırıb.
From today investigative journalist @Khadija_Ismayil started a #hungerstrike to support blogger Mehman Huseynov. #FreeMehman #FreeMehmanHuseynov @pressfreedom @CommissionerHR @HRHFoundation @hrw @Dunja_Mijatovic @HelsinkiComm @OSCE @IndexCensorship @RSF_inter @CPJ_Eurasia pic.twitter.com/LlEqi3YPXc
— Mikroskop Media (@MikroskopMedia) January 15, 2019
Amnesty International-dan Daniel Balson isə deyib ki, aclıq aksiyası həmrəyliyi daha öncə Azərbaycanda baş verməmiş hadisədir.
Məqalədə qeyd olunur ki, Azərbaycanda baş verənlər təəccüblü deyil. Çünki ölkə prezidenti İlham Əliyev həyat yoldaşı Mehriban Əliyevanı birinci vitse-prezident təyin edərək ölkədə monarxiya qurduğu ilə bağlı ittihamları qəbul edib.
