Ermənistan və Azərbaycan xarici işlər nazirləri beynəlxalq vasitəçilərlə yanaşı. Foto: Azərbaycan XİN

Azərbaycan xarici işlər naziri Elmar Məmmədyarov ilə Ermənistan xarici işlər naziri vəzifəsini icra edən Zöhrab Mnatsakanyan arasında ATƏT-in Minsk qrupunun həmsədrlərinin iştirakı ilə yanvarın 16-da Parisdə görüş keçirilib.

Eurasianet yazır ki, tərəflər danışıqlar zamanı bir sıra məsələləri, o cümlədən hər iki tərəfin əhalisinin sülhə hazırlanması və iqtisadi cəhətdən əməkdaşlıq imkanlarını müzakirə ediblər.

Görüşdən sonra hər iki nazir nikbin bəyanatlar yayıb. Bu isə son iki ay ərzində iki tərəf arasında diplomatik gərginliklərin azaldığının əlaməti kimi qiymətləndirilib.

Vartanyan həm də deyir ki, Ermənistan yeni Bakı-Tiflis-Qars dəmiryolu şəbəkəsindən istifadə etmək istəyir. Hətta bunun üçün dəmiryol xəttinin yaxınlığında böyük yeni sərhəd nöqtəsi inşa ediblər.

Lakin o da qeyd olunur ki, Ermənistanı blokadada saxlamaq Azərbaycanın əsas strategiyalarından biridir. Prezident İlham Əliyev bu yaxınlarda – yanvarın 11-də hökumət rəsmiləri ilə görüşündə bunu bir də deyib:

Torpaqlarımız azad olunana qədər biz Ermənistanı təcrid etmək üçün bütün vasitələrdən istifadə edəcəyik.

Bütün bunlara baxmayaraq, Ermənistanda Paşinyanın hakimiyyətə gəlməsindən sonra Bakıda uzunmüddətli danışıqlar prosesinin yenidən canlanacağına dair inam yaranıb. Hətta Azərbaycan hökuməti Ermənistana qarşı düşmən mövqeyini biraz yumşaldıb.

Bəhs edilən görüş zamanı nazirlər İlham Əliyev ilə Nikol Paşinyan arasında zirvə görüşü barədə də razılığa gəliblər.

Şərhini yaz

Şərhinizi yazın
Adınızı daxil edin