Cahangir Hacıyev. Foto: APA

Beynəlxalq Bankın həbsdə olan keçmiş rəhbəri Cahangir Hacıyev, sabiq deputat Dünyamin Xəlilov və digər şəxslərin məhkəməsi başlayıb.

Qafqazinfo yazır ki, prosesdə Azərbaycan Beynəlxalq Bankı, Vergilər Nazirliyi və “Aqrarkredit” QSC-nin zərərçəkmiş qismində tanındığı bildirilib.

Təqsirləndirilən C. Hacıyev dövlət tərəfindən ona təyin olunmuş vəkildən imtina edib. Bundan sonra onun hüquqlarını vəkil Fariz Namazlının müdafiə edəcəyini bildirib.
Proses yanvarın 24-də davam etdiriləcək.

Nə baş verib: C.Hacıyevin tanışı Dünyamin Xəlilov, digər 20 nəfər və qeyriləri ilə birlikdə qanunsuz maliyyə əməliyyatları aparılan və real dəyəri olmayan veksellərin alınması, eləcə də təminatı olmayan kreditlərin verilməsi yolu ilə ümumilikdə 4,7 milyard manat məbləğində pul vəsaitinin mənimsəmə və digər cinayətlər yolu ilə “Azərbaycan Beynəlxalq Bankı” ASC-yə ziyan vurub.

Bundan öncəki məhkəmə işində C.Hacıyev 15 il, D.Xəlilov 13 il müddətinə azadlıqdan məhrum edilib. Bakı Apellyasiya Məhkəməsi sabiq deputatın cəzasını 3 ay azaldıb.

Şərhini yaz

Şərhinizi yazın
Adınızı daxil edin