Bloqqer Mehman Hüseynova dəstək olaraq, 13 saylı cəzaçəkmə müəssisəsində aclıq aksiyası keçirən fəallar – jurnalist Elçin İsmayıllı və “Müsəlman Birliyi Hərəkatı”nın koordinatoru Əhsən Nuruzadənin yeri dəyişdirilib.
Meydan TV yazır ki, E.İsmayıllı 17 saylı, Ə.Nuruzadə isə 6 saylı cəzaçəkmə müəssisəsinə köçürülüb.
Fəalların yaxınları bildiriblər ki, bütün təzyiqlərə baxmayaraq, aclığı dayandırmadıqlarına görə onları bu cür ayırıblar.
Buna da bax: Daha 5 siyasi məhbus aclıq aksiyasına başladı
Nə baş verib: Bu fəallar 13 saylı cəzaçəkmə müəssisəsində saxlanan İlkin Rüstəmzadə və Bayram Məmmədovla birlikdə yanvarın 13-dən aclıq aksiyasına başlayıb.
- Penitensiar Xidmət isə həbsdə olan şəxslərin aclıq aksiyası keçirməsi barədə məlumatları təkzib edir. Fəalların başqa cəzaçəkmə müəssisələrinə köçürülməsi barədə məlumatları isə şərh etmir. Bildirilir ki, qanun məhbusların yeri barədə informasiya verməyi qadağan edir.
