PS5. Foto: sony-ps5.com

PlayStation oyun konsolları arasında satış üzrə liderdir və PlayStation 2-nin 92 milyon ədəd satışından sonra Sony şirkətinin istehsal etdiyi 4-cü versiya da möhtəşəm performans göstərib. Buna görə də Sony növbəti iki ildə cihazın yeni versiyasını təqdim etməyəcək.

Bu yazıda oyunsevərlərin PlayStation-da görmək istədikləri xüsusiyyətlər toplanıb. Yazı həm də növbəti versiyanın necə olacağı barədə fikir formalaşdırır.

Texniki təminat

Əvvəlki versiyanın çoxlu sayda satılmağına səbəb olan PlayStation VR-ın bu versiyada da olacağı güman edilir. Lakin bu detalın cihaza hansı formada inteqrasiya edəcəyi sual altındadır. Digər parametrlər barədə danışmaq hələ tezdir, çünki əvvəlki modelin özü belə mövcud standartlardan yüksəkdir.

Oyunlar

PlayStation 4 cihazı üçün xüsusi yayımladığı oyunlar ilə uğurlu olan şirkətin yeni versiyada da bu strategiyanı davam etdirəcəyi ehtimal edilir. Keçən il təqdim edilən “Spider-Man” oyununun 9 milyondan artıq satıldığı nəzərə alınsa, strategiyanın dəyişməyəcəyini güman etmək olar.

Həmçinin yeni versiyada 4K keyfiyyətdə oyunlar da yer ala bilər. İki il ərzində texniki və proqram təminatının inkişaf etdiriləcəyi nəzərə alınsa, bu, mümkün ola bilər.

Şərhini yaz

Şərhinizi yazın
Adınızı daxil edin