Mehman Hüseynova azadlıq tələbi ilə keçirilən aksiyada polis etirazçını həbs edir. Foto: Ramin Deko

“Yanvarın 17-dən yanvarın 21-nə kimi siyasi fəallardan 38 nəfər saxlanılıb”.

Azadlıq Radiosu yazır ki, bu barədə Azərbaycan Xalq Cəbhəsi Partiyasından (AXCP) bildiriblər.

Məlumata görə, həmin 38 nəfərdən 11 nəfəri yanvarın 17-18-də, 27 nəfər isə yanvarın 19-20-si saxlanılıb. Saxlanılanlardan 11-i sonradan sərbəst buraxılıb. Qalan 27 nəfərdən 25 nəfərinə 10 sutkadan 25 sutkaya kimi inzibati cəza verilib, 2 nəfər isə cərimə cəzası və xəbərdarlıq alıb.

Saxlananlar, əsasən, İnzibati Xətalar Məcəlləsində polisə müqavimət və başqa oxşar maddələrlə ittiham olunub.

Nə baş verib: AXCP hesab edir ki, fəalların saxlanması Milli Şuranın yanvarın 19-da keçirdiyi aksiyanın kütləviliyinin qarşısını almaq məqsədinə xidmət edib. Bəzi fəalların isə yanvarın 20-də Şəhidlər xiyabanına ziyarət zamanı polislə yaşanan narazılıqda saxlandığı deyilir.

Şərhini yaz

Şərhinizi yazın
Adınızı daxil edin