Bakı Şəhər İcra Hakimiyyəti (BŞİH) müxalifətin mitinqlə bağlı müraciətinə yox cavabı verib.
Report yazır ki, bu barədə Milli Şuranın Koordinasiya Mərkəzinin üzvü Rövşən Əhmədli açıqlama verib.
Onun sözlərinə görə, BŞİH 20 yanvar tarixində asayişin pozulduğunu bildirərək bu dəfəki mitinqə razılıq verməyib.
“Bizə təqdim olunan cavab məktubunda bildirilib ki, yanvarın 19-da keçirilən mitinqdən sonra ictimai asayiş pozulub. Yanvarın 20-də də bir sıra qanun pozuntuları olub. Bu səbəblər əsas gətirilərək, mitinqin keçirilməsi məqsədəuyğun hesab edilməyib. Milli Şura şəhər icra hakimiyyətinin məktubunu müzakirə edərək, müvafiq qərar verəcək”.
