Nikolas Maduro və İlham Əliyevin görüşü. Foto: president.az. Rəngləmə: mikroskop media

Maliyyə Nazirliyindən Azərbaycanın Venesuelaya 500 milyon ABŞ dolları kredit verməsi barədə iddialara cavab verilib. Nazirliyin İctimaiyyətlə əlaqələr şöbəsinin müdiri Mais Piriyev “Turan” İnformasiya Agentliyinə deyib ki, belə kreditin verilməsi iddiası təxəyyül məhsuludur.

Venesuela prezidenti Nikolas Maduro Azərbaycana sonuncu dəfə 2016-cı ildə səfər edib və həmin səfərlə bağlı mətbuatda dərc olunan məlumata görə, ölkə başçıları arasında ticarət, investisiya, enerji sahələrində əməkdaşlıq əlaqələrinin öyrənilməsi, eləcə də neftin qiymətinin sabitliyi ilə bağlı OPEK ölkələri ilə OPEK-ə üzv olmayan ölkələr arasında əməkdaşlıq haqqında fikir mübadiləsi aparılıb.

Azərbaycan Venesuelaya borc versəydi ölkənin hazırkı durumu borcun geri qaytarılmasına maneə hesab oluna bilərdimi?

İqtisadçı Zöhrab İsmayıl Facebook sosial şəbəkəsində yazıb ki, Azərbaycan bu ölkəyə kredit versəydi belə bu, mütləq qaytarılacaqdı:

“Bu cür kreditlər prezidentlərə verilmir, dövlətlərə verilir. Hakimiyyətdə kimin olmasından asılı olmayaraq, Venesuella da başqa dövlətlərə olan borclarını qaytarmağa məhkumdur”.

Şərhini yaz

Şərhinizi yazın
Adınızı daxil edin