Avropa Şurasının Azərbaycanda siyasi məhbuslar üzrə məruzəçisi Torxildur Varsdottir (İslandiya) Azərbaycanda siyasi məhbuslara dair ilkin memorandumu AŞPA İnsan Hüquqları və Hüquq Komitəsinə təqdim edib.
Sənəddə siyasi məhbus sayılan 130 nəfərin adı dərc olunub.
Sənəddə AŞPA-nın müxtəlif illərdə Azərbaycandakı siyasi məhbuslar haqqında qəbul etdiyi qətnamələri xatırladılıb. Bu qətnamələrdə bildirilib ki, heç kim siyasi motivlərlə həbs edilə bilməz və Azərbaycan hökuməti siyasi məhbusları dərhal azad etməyə çağırılıb.
- Siyasi məhbus siyahısına adları daxil edilənlər:
- Taleh Bağırzadə başda olmaqla dini fəllar
- Qiyas İbrahimov, Bayram Məmmədov, Elgiz Qəhrəman, Saleh Rüstəmov
- Zərdab rayonunun keçmiş müstəntiqi Rüfət Səfərov
- Keçmiş səhiyyə naziri Əli İnsanov
- Mehman Hüseynov
- Əfqan Muxtarlı, digər jurnalist və bloqqerlər
- Hesabatda 2015-ci il Nardaran əməliyyatı haqqında, həmçinin İsmayıllı, Siyəzən, Mingəçevir, Quba hadisələrilə bağlı məlumat da yer alıb.
- Yekunda məruzəçi qeyd edir ki, Azərbaycanda siyasi məhbus kimi tanınmalı və taleyinə
AŞPA-da baxılmalı olan insanların sayı çoxdur:
“Bu memorandumda irəli sürülən məsələlərlə bağlı əlavə informasiya almaq üçün komitənin iclasında ekspertlərlə dinləmələr keçirmək və Azərbaycana tanışlıq səfəri etmək istərdim”.
