Bu gün Ağır Cinayətlər Məhkəməsinin önündə Azərbaycan Xalq Cəbhəsi Partiyasının (AXCP) bir neçə üzvü saxlanılıb.
Partiya fəalı Turan İbrahimin verdiyi məlumata görə, saxlanılanlar Orxan Səlimzadə, Mehdi Nağıyev, Ceyhun Arif, Fuad Tağızadə, Kənan Əzizli, Mahir Rüstəmli, Xəyal Əliyev və Ayaz Qasımlıdır. Onların hazırda 22-ci polis bölməsində olduğu deyilir. Partiya üzvlərinin nədə təqsirli bilindikləri barədə məlumat yoxdur.
Buna da bax: DİN həbsxanada işgəncə barədə deyilənlərə münasibət bildirib
Nə baş verib: Bu gün AXCP-ni maliyyələşdirməkdə ittiham olunan keçmiş icra başçısı Saleh Rüstəmli və bir neçə partiya üzvünün növbəti məhkəmə prosesi keçirilib. Partiya fəalları da bu zaman saxlanılıb.
