Alimlər 2018-ci ildə dünyada gözlənilənin əksinə dünyada temperaturun yüksəlmədiyini, əksinə tempratur azaldığını açıqlayıb.
NTV yazır ki, yenə də alimlər bunu sevindirici xəbər kimi qəbul etmirlər. Çünki temperaturda artım müşahidə olunmasa da, 2018-ci il indiyə kimi qeydə alınan ən isti 4-cü il olub.
Bu isə planetin SOS siqnalı verməyə davam etdiyini göstərir.
“Christian Aid” xeyriyyə cəmiyyətinin yayımladığı və qlobal istiləşmənin qorxunc nəticələri haqqında xəbərdarlığın yer aldığı hesabat da elm adamlarının gündəmindədir.
Ötən il o da aşkarlanıb ki, qütblərdəki buzlaqların elm adamlarının təxmin etdiyindən daha sürətlə əriyir. Hesabatda xatırladılır ki, ərimənin qarşısını ala biləcək heç bir texnologiya yoxdur. Buzlaqların əriməsi bu sürətlə davam edərsə, dəniz səviyyəsi təxminən 65 metr yüksələcək. Bu isə dəniz səviyyəsində yerləşən şəhərlərin və digər yaşayış yerlərinin su altında qalacağını göstərir. Bütün bunlar da dünya xəritəsini tamamilə dəyişə bilər.
İlkin hesablamalara görə, bu vəziyyət əvvəlcə London şəhərinə ziyan vuracaq. İrlandiya isə bütövlükdə su altında qalacaq. Növbəti mərhələlərdə isə dünyadakı bir çox şəhər təhlükə ilə üz-üzə qalacaq.
NASA nə deyir?
ABŞ-ın Milli Aeronavtika və Kosmos İdarəsinin (NASA) də gündəmində qlobal istiləşmə var. Yeni iqlim araşdırmasını yayımlayan NASA çox bəd proqnozlar verir. Araşdırmanın rəhbərləri Toni Filips və Martin Mlinçzakın sözlərinə görə, dünyada rekord soyuqlar qeydə alınacaq. Hətta qarşıdakı illərdə Dünya buzlaşma dövrünə qədəm qoya bilər.
